నాగార్జున-కాజల్ జంటగా నటిస్తున్న సినిమా షూటింగ్ రెండో షెడ్యూల్ హైదరాబాద్లో ప్రారంభమైంది. ఈ విషయాన్ని తెలియజేస్తూ సెట్‌లో నాగార్జున ఫొటోను పోస్ట్ చేసింది చిత్ర బృందం. యాక్షన్ థ్రిల్లర్గా తెరకెక్కుతున్న ఈ చిత్రానికి ప్రవీణ్ సత్తారు దర్శకత్వం వహిస్తున్నారు.
శంకర్‌-రామ్చరణ్ కాంబినేషన్‌లో తెరకెక్కనున్న చిత్రంలో హీరోయిన్గా నటించేందుకు కియారా అడ్వాణీ పారితోషికం భారీగానే తీసుకుంటుందని తెలిసింది. సాధారణంగా తాను తీసుకునే రూ.4 కోట్ల రెమ్యునరేషన్ కన్నా రూ.కోటి ఎక్కువగా డిమాండ్‌ చేసిందట. మొత్తంగా రూ.5 కోట్లు కోరగా.. రూ.నాలుగు కోట్ల యాభై లక్షలకు చిత్రబృందం ఒప్పించిందని నెట్టింట్లో వార్తలు చక్కర్లు కొడుతున్నాయి. భారీ యాక్షన్ ఎంటర్‌టైనర్‌గా తెరకెక్కనున్న ఈ సినిమాలో చెర్రీ విభిన్నమైన లుక్‌లో కనిపించనున్నారట. శ్రీ వెంకటేశ్వర క్రియేషన్స్ బ్యానర్‌పై దిల్‌రాజు నిర్మించనున్నారు. తమన్‌ స్వరాలు అందించనున్నారు.
విశ్వక్సేన్ ప్రధాన పాత్రలో రూపొందుతున్న చిత్రం 'పాగల్' టైటిల్ వీడియో సాంగ్ రిలీజ్ అయింది. 'మాస్ కా దాస్' అంటూ సాగే ఈ గీతం ప్రేక్షకులను అలరిస్తోంది. ఆగస్టు 14న ఈ సినిమా ప్రేక్షకుల ముందుకు రానుంది. నరేష్ కొప్పల్లి అనే కొత్త దర్శకుడు ఈ చిత్రాన్ని తెరకెక్కించాడు. శ్రీ వెంకటేశ్వర క్రియేషన్స్ దిల్ రాజు సమర్పిస్తున్న ఈ చిత్రాన్ని లక్కీ మీడియా బ్యానర్ పై బెక్కం వేణుగోపాల్ నిర్మిస్తున్నారు. నివేదా పేతురాజ్, సిమ్రన్ చౌదరి కథానాయికలు.