మోదీ ప్రచార పదం 'చౌకీదార్​'తో కన్నడ చిత్రం

ఇటీవల ముగిసిన లోక్​సభ ఎన్నికలలో చౌకీదార్​ పదం విస్తృతంగా వాడింది భారతీయ జనతా పార్టీ. ఈ పేరుతోనే ప్రధాని మోదీ దేశవ్యాప్తంగా ప్రచారం చేశారు. ఇంతగా ప్రజల్లోకి వెళ్లిన టైటిల్​తో సినిమా వస్తోంది.

ప్రధాని మోదీ ఎన్నికల ప్రచారంలో 'చౌకీదార్'​ అనే పదం బాగా ఉపయోగించి ప్రజలను ఆకట్టుకున్నారు. అపూర్వమైన విజయం సాధించిన తర్వాత మోదీ, పార్టీనాయకులు చౌకీదార్​ అనే పదం ట్విట్టర్​ నుంచి తొలగించారు.

ప్రస్తుతం ఈ పదం మళ్లీ కన్నడ నాట వినిపిస్తోంది. ఈ టైటిల్​తో కన్నడలో ఓ సినిమా నిర్మించేందుకు సిద్ధమయ్యారు దర్శకుడు చంద్రశేఖర్​ బండియప్ప.

'చౌకీదార్​'తో కన్నడ చిత్రం తెరకెక్కించే యోచనలో చంద్రశేఖర్​

తారకాసుర, రథావర చిత్రాలను తెరకెక్కించిన దర్శకుడు చంద్రశేఖర్​... తాజాగా చౌకిదార్​ పేరుతో సినిమా చేసేందుకు సిద్ధమయ్యారు. ఇప్పటికే ఈ పేరును కన్నడ ఫిల్మ్​ఛాంబర్​లో నమోదు చేసుకున్నారు. ఈ సినిమా ఆగస్టులో సెట్స్​పైకి వెళ్లే అవకాశం ఉంది. ప్రధాని మోదీ గురించిన విశేషాలతో సినిమా నేపథ్యం ఉంటుందని పేర్కొన్నారు దర్శకుడు చంద్రశేఖర్​. ఇందులో గోల్డెన్​ స్టార్​ గణేష్​ నటించే అవకాశం ఉంది. నిర్మాత, హీరోయిన్​ ఎవరనేది త్వరలోనే వెల్లడించనున్నారు.