పవర్స్టార్ పవన్ కల్యాణ్పై తనకున్న అభిమానాన్ని చాలాసార్లు చాటి చెప్పారు కొరియోగ్రాఫర్ జానీ. ఆయనతో ఓ సినిమా తెరకెక్కించేందుకు సిద్ధంగా ఉన్నట్లు కూడా తెలిపారు. తాజాగా వీరిద్దరి కాంబినేషన్లో సినిమా సెట్ అయినట్లు ఫిల్మ్ నగర్ టాక్. త్వరలోనే అధికారిక ప్రకటన కూడా రానుందట.
జానీ దర్శకత్వంలో పవన్.. నిర్మాతగా చరణ్! - జానీ దర్శకత్వంలో పవన్ కల్యాణ్
పవర్స్టార్ పవన్ కల్యాణ్ హీరోగా కొరియోగ్రాఫర్ జానీ దర్శకత్వంలో ఓ చిత్రం తెరకెక్కనుందట. దీనికి మెగా పవర్ స్టార్ రామ్ చరణ్ నిర్మాతగా వ్యవహరించనున్నట్లు తెలుస్తోంది.
పవన్ హీరో.. చరణ్ నిర్మాత.. జానీ దర్శకత్వం
పవన్ కోసం జానీ ఓ కథను సిద్ధం చేశాడని.. అది ఆయనకు వినిపించడం కూడా జరగిందని తెలుస్తోంది. ఈ స్టోరీపై ఆసక్తితో ఈ చిత్రాన్ని నిర్మించేందుకు సిద్ధమయ్యారట మెగా పవర్ స్టార్ రామ్ చరణ్. కొణిదెల ప్రొడక్షన్ బ్యానర్లో ఈ సినిమాను తెరకెక్కించేందుకు ప్రణాళికలు రచిస్తున్నారట. బాబాయ్ హీరోగా ఓ సినిమాను రూపొందించేందుకు చరణ్ కూడా చాలా కాలంగా ప్రయత్నాలు చేస్తున్నారు. దీంతో ఈ చిత్రం దాదాపు ఖరారయ్యే అవకాశాలున్నట్లు సమాచారం.
ప్రస్తుతం పవన్ వరుస చిత్రాలతో జోరు చూపిస్తున్నారు. 'వకీల్ సాబ్' చిత్రీకరణ దాదాపు పూర్తయింది. అలాగే క్రిష్తో పాటు హరీశ్ శంకర్, సాగర్ చంద్ర దర్శకత్వంలోనూ సినిమాలు చేయడానికి సిద్ధమయ్యారు. దీంతో ఈ సినిమాలు పూర్తయ్యాకే జానీతో చిత్రం పట్టాలెక్కే అవకాశం ఉంది.