వైవిధ్యభరిత చిత్రాలకు, విచిత్రమైన గెటప్పులకు చిరునామా హీరో విక్రమ్. అతడు ఎంచుకునే కథలు ఎక్కువ శాతం ఇలానే ఉంటాయి. పాత్ర నచ్చాలే కానీ ఎలాంటి సాహసానికైనా సిద్ధమవుతాడు. అప్పట్లో 'ఐ' సినిమా కోసం ప్రాణాల్ని పణంగా పెట్టి మరీ నటించాడు. ఇప్పడు మరోసారి అలాంటి అడ్వెంచర్ చేసేందుకు రెడీ అవుతున్నాడు.
అజయ్ జ్ఞానముత్తు దర్శకత్వంలో రూపొందుతున్న ఈ చిత్రంలో విక్రమ్ ఏకంగా 25 గెటప్పుల్లో సందడి చేయనున్నాడని సమాచారం. ఇందుకోసం ప్రముఖ అమెరికన్ కంపెనీ రంగంలోకి దిగిందని తెలుస్తోంది. ఒకవేళ ఇదే నిజమైతే ప్రపంచ రికార్డు నెలకొల్పిన నటుడిగా ఘనత సాధిస్తాడు.