వకీల్​సాబ్​ కోసం ఆసక్తిగా ఎదురుచూస్తున్నా: చిరు

పవన్​కల్యాణ్​ 'వకీల్​సాబ్'​ చిత్రాన్ని చూసేందుకు తాను ఎంతో ఆసక్తిగా ఎదురుచూస్తున్నట్లు తెలిపారు మెగాస్టార్​ చిరంజీవి. శుక్రవారం తన తల్లి, కుటుంబసభ్యులతో కలిసి థియేటర్​లో సినిమా చూడబోతున్నట్లు ట్వీట్​ చేశారు.

ఏప్రిల్​ 9న విడుదల కానున్న ​పవన్​కల్యాణ్​ నటించిన 'వకీల్​సాబ్' చిత్రాన్ని వీక్షించేందుకు అభిమానుల ఎంతో ఆసక్తిగా ఎదురుచూస్తున్నారు. ఈ క్రమంలోనే తాను కూడా ఎంతో ఆసక్తిగా ఎదురుచూస్తున్నట్లు తెలిపారు మెగాస్టార్​ చిరంజీవి. తన తల్లి, కుటుంబసభ్యులతో కలిసి శుక్రవారం పవన్​ సినిమాను చూడబోతున్నట్లు వెల్లడించారు.

"చాలా కాలం తర్వాత పవన్​ను వెండితెర మీద చూడటానికి మీలాగే నేనుకూడా ఎదురుచూస్తున్నాను. అమ్మ , కుటుంబ సభ్యులతో రేపు సాయంత్రం థియేటర్​లో వకీల్​సాబ్​ చూస్తున్నాను" అని చిరు ట్వీట్​ చేశారు. గతంలో పవన్​తో కలిసి దిగిన ఓ ఫొటోను జత చేశారు. ఇది అభిమానులను ఆకట్టుకుంటోంది. త్వరలోనే చిరు.. కొరటాల శివ దర్శకత్వంలో తెరకెక్కుతున్న 'ఆచార్య' సినిమాతో ప్రేక్షకుల ముందుకు రానున్నారు.

ఇదీ చూడండి:'వకీల్​సాబ్​'​లో‌ అకీరా నటించలేదు'