బాక్సాఫీస్‌ వద్ద 'సైరా' హంగామాకు త్వరలో తెరలేవబోతుంది. ఈ నేపథ్యంలో ప్రచార పర్వాన్ని ముమ్మరం చేసేందుకు చిత్ర బృందం రెడీ అయిపోయింది. ఇప్పటికే టీజర్, ఫస్ట్‌లుక్‌లు నెట్టింట సందడి చేస్తుండగా.. ఇప్పుడు ప్రీ రిలీజ్ వేడుకను నిర్వహించేందుకు ఏర్పాట్లు మొదలయ్యాయి. 'సైరా' విడుదల ముందస్తు వేడుకను ఈ నెల 21న కర్నూలులో భారీ ఎత్తున నిర్వహించాలని చిత్ర యూనిట్‌ భావిస్తోందట. అంతేకాదు హైదరాబాద్‌, విశాఖపట్టణాల్లోనూ కొన్ని ప్రచార కార్యక్రమాలను ఏర్పాటు చేయాలని చూస్తున్నారట.
ప్రీ రిలీజ్ వేడుకను కర్నూలులో ఏర్పాటు చేయడం వెనుక ఓ ఆసక్తికర కారణం ఉందట. ఉయ్యాలవాడ నరసింహారెడ్డి పుట్టి పెరిగిందంతా రాయలసీమలోనే. స్వాతంత్ర్య ఉద్యమ పోరాటంలో భాగంగా కర్నూలు ప్రాంతంలోనే ఎక్కువగా ఉన్నారు. అందుకే ఈ ప్రీరిలీజ్‌ వేడుకను ఆయన పుట్టిన గడ్డపైనే చేయాలని నిర్ణయించుకుందట చిరు బృందం.