విక్టరీ వెంకటేశ్, ప్రియమణి ప్రధానపాత్రల్లో శ్రీకాంత్ అడ్డాల దర్శకత్వంలో తెరకెక్కిన చిత్రం 'నారప్ప'. ఇటీవలే అమెజాన్ ప్రైమ్లో విడుదలైంది. తమిళంలో ధనుష్ నటించిన 'అసురన్'కు రీమేక్గా రూపొందిన ఈ సినిమా ఇక్కడా మంచి ప్రేక్షకాదరణ దక్కించుకుంది. ఇప్పటికే 'నారప్ప' చూసిన వారు వెంకీ పర్ఫామెన్స్ను మెచ్చుకుంటూ సామాజిక మాధ్యమాల్లో కామెంట్లు పెడుతున్నారు. తాజాగా మెగాస్టార్ చిరంజీవి 'నారప్ప'ను వీక్షించిన తర్వాత వెంకీమామకు ఓ ఆడియో సందేశం పంపారు. దీనిని వెంకటేశ్ సోషల్ మీడియాలో షేర్ చేయగా అది కాస్తా వైరల్గా మారింది.
"కంగ్రాట్యూలేషన్స్. ఇప్పుడే 'నారప్ప' చూశా. వావ్ వాట్ ఏ పర్ఫామెన్స్. వాట్ ఏ ట్రాన్స్ఫర్మేషన్. ఎక్కడా వెంకటేశ్ కనపడలేదు. నారప్పే కనిపించాడు. పూర్తిగా కొత్త వెంకటేశ్ను చూస్తున్నాను. క్యారెక్టర్ను ఎంతో బాగా అర్థం చేసుకుని నటించావు. నీలోని నటుడు ఎప్పుడూ ఓ తపన, తాపత్రయంతో ఉంటాడు. అలాంటి వాటికి ఈ సినిమా ఓ మంచి ఉదాహరణ. మీకు మంచి సంతృప్తినిచ్చే సినిమా. అద్భుతమైన టీమ్ వర్క్. 'నారప్ప' మీకు మంచి చిత్రంతో పాటు మీ కెరీర్లో గర్వించదగ్గ సినిమా అవుతుంది. మీకు, మీ టీమ్కు అభినందనలు."