కేఎఫ్​సీ చికెన్​తో అదరగొట్టిన మెగాస్టార్

మెగాస్టార్​ చిరంజీవి తన మనవరాళ్లతో కలిసి కేఎఫ్​సీ స్టైల్​ చికెన్​ వండారు. చిన్నారులతో కలిసి వంట చేయడం చాలా సరదాగా అనిపించిందని తెలుపుతూ దానికి సంబంధించిన వీడియోను ఇన్​స్టాగ్రామ్​లో షేర్​ చేశారు.

టాలీవుడ్​ మెగాస్టార్​ చిరంజీవి మరోసారి తన వంటతో నెటిజన్లను ఆశ్చర్యపరిచారు. ఇటీవలే తన తల్లి అంజనా దేవి కోసం చేపల పులుసుతో అలరించగా.. తాజాగా తన మనవరాళ్లకు కేఎఫ్​సీ స్టైల్​ చికెన్ రుచి చూపించారు. ​తన మనవరాళ్లు సంహిత, నివ్రితిలతో కలిసి కేఎఫ్‌సీ స్టైల్‌ చికెన్‌ తయారు చేశారు.

మనవరాళ్లు తన సహాయకులని, వారితో కలిసి వంట చేయడం చాలా సరదాగా అనిపించిందని చిరు చెప్పారు. అంతేకాదు వారితో కలిసి రోడ్డు పక్కన బండిపెట్టుకుని 'కేఎఫ్‌సీ చికెన్‌..' అమ్మేంతగా నిపుణులు అయ్యారని కితాబిచ్చారు.