మలయాళ స్టార్ కథానాయకుడు మమ్ముట్టి సినిమా పరిశ్రమకు వచ్చి 50 ఏళ్లు పూర్తిచేసుకున్న సందర్భంగా.. మెగాస్టార్ చిరంజీవి ట్వీట్ చేశారు. మమ్ముట్టికి శుభాకాంక్షలు తెలుపుతూ.. ప్రశంసలతో ముంచెత్తారు.
మమ్ముట్టికి అవార్డు అందిస్తున్న చిరంజీవి (పాతచిత్రం) సినిమా స్థాయిని పెంచి..
"50 ఏళ్ల మీ సినీ ప్రస్థానంలో ఎంతోమంది అభిమానులను అలరించారు. భారతీయ సినిమా స్థాయిని పెంచారు. మీతోపాటు ఇండస్ట్రీలో ఉన్నందుకు ఆనందంగా ఉంది. మీరు మరిన్ని సినిమాల్లో నటించి.. అనేక మంది మనసుల్ని గెలుచుకోవాలని ఆకాంక్షిస్తున్నాను." అని చిరంజీవి ట్వీట్ చేశారు. అయితే ఈ ట్వీట్పై మమ్ముట్టి స్పందించారు.
"చిరు భాయ్ ధన్యవాదాలు. ఇండస్ట్రీలో మీలాంటి సహోదరులు ఉండటం ఆనందంగా ఉంది. మీరు చెప్పినట్లుగా.. మనిద్దరం కలిసి ఇండస్ట్రీలో ఉండటం ఆశీర్వచనంగా భావిస్తున్నాను." అని ట్వీట్ చేశారు మమ్ముట్టి.
తెలుగు, తమిళ, మలయాళ భాషల్లో దాదాపు 400కు పైగా చిత్రాల్లో నటించి సినీ ప్రియుల మదిలో సూపర్ స్టార్గా చెరగని ముద్ర వేశారు మమ్ముట్టి. మలయాళ సినిమాల్లో ఎక్కువగా నటించిన మమ్ముట్టి అడపాదడపా తమిళ, తెలుగు, కన్నడ, హిందీ, ఇంగ్లీష్‌ ప్రేక్షకులను కూడా పలకరించారు.
ఇదీ చదవండి:నటనలో గట్టి.. మలయాళ మమ్ముట్టి
