మెగాస్టార్ చిరంజీవి వరుస సినిమాలతో దూసుకెళ్తున్నారు. ఆదివారం(ఆగస్టు 22) ఆయన పుట్టినరోజు సందర్భంగా మరో సినిమా అప్డేట్ వచ్చేసింది.బాబీ దర్శకత్వంలో తెరకెక్కబోయే చిత్రానికి సంబంధించిన పోస్టర్ను విడుదల చేసింది చిత్రబృందం. 'పూనకాలు లోడింగ్.. త్వరలోనే షూటింగ్ ప్రారంభం' అని వ్యాఖ్య జోడించింది. ఈ పోస్టర్ అభిమానులను ఆకట్టుకునేలా ఉంది. ఇందులో చిరు మాస్ లుక్లో అదిరిపోయారు. ఇది ముఠామేస్త్రి సినిమాలోని లుక్ను గుర్తుచేసేలా ఉంది.
ఇటీవల ఓ ఇంటర్వ్యూలో పాల్గొన్న దర్శకుడు బాబీ ఈ సినిమా గురించి మాట్లాడుతూ.. ఒక అభిమానికి, స్టార్‌కి మధ్య అనుబంధమే ఈ కథకు స్ఫూర్తి అని చెప్పారు. ఈ చిత్రానికి 'వాల్తేర్ వీరయ్య' అనే టైటిల్ను పరిశీలిస్తున్నట్లు సమాచారం. హీరోయిన్గా సోనాక్షి సిన్హాను తీసుకోవాలని భావిస్తున్నారట. చాలా ఏళ్ల తర్వాత చిరు తండ్రీ-కొడుకులుగా ద్విపాత్రాభినయం చేయనున్నట్లు తెలుస్తోంది. ఈ మూవీ మైత్రీ మూవీ మేకర్స్ నిర్మించనుండగా.. దేవీ శ్రీ ప్రసాద్ సంగీతం అందించనున్నారు.