Chiranjeevi Bholashankar movie: మెగాస్టార్ చిరంజీవి నటిస్తున్న సినిమాల్లో 'భోళాశంకర్' ఒకటి. ఈ సినిమా నుంచి కొత్త అప్డేట్ వచ్చింది. ఈ సినిమాకు సంబంధించిన ఫస్ట్ లుక్ను మార్చి 1న ఉదయం 9.05గంటలకు రిలీజ్ చేస్తానని ప్రకటించింది. తమిళంలో సూపర్‌హిట్ అందుకున్న 'వేదాళం' రీమేక్‌గా ఈ సినిమా రూపుదిద్దుకోనుంది. మెహర్రమేశ్ దర్శకత్వం వహిస్తున్నారు. అన్నాచెల్లెళ్ల అనుబంధంతో పాటు పవర్‌ఫుల్‌ యాక్షన్‌ ఎంటర్‌టైనర్‌గా ఈ సినిమా సిద్ధమవుతోంది. ఇందులో చిరు సోదరి పాత్రలో కీర్తి సురేశ్‌ కనిపించనున్నారు. అలాగే మెగాస్టార్‌కు జోడీగా తమన్నా సందడి చేయనున్నారు. మణిశర్మ కుమారుడు మహతి సాగర్‌ స్వరాలు సమకూర్చనున్నారు. ఈ సినిమా రెగ్యులర్‌ షూట్‌ త్వరలోనే ప్రారంభం కానుంది. ఏకే ఎంటర్‌టైన్‌మెంట్స్‌ పతాకంపై రామబ్రహ్మం సుంకర ఈ చిత్రాన్ని నిర్మిస్తున్నారు.
100మిలియన్ వ్యూస్
తమిళ స్టార్ విజయ్, పూజా హెగ్డే నటిస్తున్న 'బీస్ట్' సినిమాలోని 'అరబిక్ కుతు' సాంగ్ ఇటీవలే విడుదలై శ్రోతలను విపరీతంగా ఆకట్టుకుంది. ప్రస్తుతం ఈ గీతం యూట్యూబ్లో ట్రెండింగ్లో దూసుకుపోతోంది. విడుదలైన 48గంటల్లోనే గ్లోబల్ టాప్ సాంగ్స్లో చోటు సంపాదించుకున్న ఈ పాట ఇప్పుడు ఏకంగా 100మిలియన్ వ్యూస్ను దక్కించుకుంది. 3.7మిలియన్కు పైగా లైక్స్ కూడా సాధించింది. ఈ విషయాన్ని తెలియజేస్తూ ఓ వీడియోను పోస్ట్ చేసింది చిత్రబృందం. ఈ సాంగ్ను సంగీత దర్శకుడు అనిరుథ్ కంపోజ్ చేశారు. హీరో శివకార్తికేయన్ లిరిక్స్ అందించారు. నెల్సన్ దిలీప్ కుమార్ దర్శకత్వం వహిస్తున్న ఈ మూవీ ఏప్రిల్ 14న రిలీజ్ కానుంది.