Chiranjeevi 154 movie: మెగాస్టార్ చిరంజీవి కొత్త సినిమాల విషయంలో జోరు ప్రదర్శిస్తున్నారు. ఒప్పుకోవడంలోనే కాదు, వాటిని పూర్తి చేయడంలోనూ అదే వేగం ప్రదర్శిస్తున్నారు. వరుస చిత్రాల షూటింగ్లలో పాల్గొంటూ బిజీగా గడుపుతున్నారు. ప్రస్తుతం 'గాడ్ఫాదర్' చిత్రీకరణలో పాల్గొంటూనే బాబీ దర్శకత్వంలో రూపొందుతున్న 'మెగా154' కోసం ఆయన రంగంలోకి దిగారు. ప్రస్తుతం చిరు, ఇతర చిత్రబృందంపై పోరాట ఘట్టాల్ని తెరకెక్కించేందుకు సన్నాహాలు మొదలయ్యాయి. ఉత్కంఠభరితమైన యాక్షన్ ఎపిసోడ్ చిత్రీకరణతో చిరు కొత్త షెడ్యూల్ ప్రారంభం కానుంది. ఈ యాక్షన్ సీన్స్కు రామ్-లక్ష్మణ్ కొరియోగ్రఫీ చేస్తున్నారు. కాగా, ఈ మూవీలో హీరోయిన్గా శ్రుతిహాసన్ నటిస్తోంది.
Supergirl movie Indrani movie: సూపర్ హీరోస్, సూపర్ హీరోయిన్స్ చిత్రాలను ఎక్కువగా హాలీవుడ్లో మాత్రమే చూస్తుంటాం. ఈ మధ్య కాలంలో భారత చిత్రసీమలోనూ 'క్రిష్' సిరీస్ తర్వాత సూపర్ హీరోస్ చిత్రాలను తెరకెక్కించే ప్రయత్నాలు చేస్తున్నారు. అయితే సూపర్ గర్ల్ చిత్రాలు లేవు. ఇప్పుడా ఆ లోటు కూడా భర్తీ కానుంది. ఎప్పుడూ చూడని విభిన్నమైన కథాంశంతో 'ఇంద్రానీ' అనే తొలి ఇండియన్ సూపర్ గర్ల్ సినిమాను తెరెకెక్కించనున్నారు. నేడు(ఆదివారం) ఈ సినిమా పూజాకార్యక్రమాలతో షూటింగ్ ప్రారంభించుకుంది. సీనియన్ నటుడు నరేష్ క్లాప్ కొట్టగా.. బెక్కం వేణుగోపాల్ కెమెరా స్విచ్ ఆన్ చేశారు. ఈ మూవీకి యాక్షన్ సన్నివేశాలతో పాటు కమర్షియల్ హంగులు జోడించనున్నారు. ఈ చిత్రంతో స్టీఫెన్ దర్శకుడిగా పరిచయం కానున్నారు. చోటాకే ప్రసాద్ ఎడిటింగ్ బాధ్యతలు తీసుకున్నారు. సాయికార్తీక్ సంగీతం అందించనున్నారు. యానియాభరద్వాజ్, కబీర్ధుహాన్ సింగ్ సహా తదితురులు కీలక పాత్రలు పోషిస్తున్నారు.