ఓటీటీలో మెప్పిస్తోన్న 'చావు కబురు చల్లగా'

కార్తికేయ, లావణ్య త్రిపాఠి హీరోహీరోయిన్లుగా నటించిన చిత్రం 'చావు కబురు చల్లగా'. మార్చి 19న థియేటర్లలో విడుదలైన ఈ మూవీ అంచనాల్ని అందుకోలేకపోయింది. తాజాగా ఓటీటీలో రిలీజైన ఈ సినిమా ఆకట్టుకుంటోంది.

కార్తికేయ, లావణ్య త్రిపాఠి నాయకానాయికలుగా తెరకెక్కిన చిత్రం 'చావు కబురు చల్లగా'. మార్చి 19న థియేటర్లలో విడుదలైన ఈ సినిమా ఎంటర్‌టైనర్‌గా మెప్పించినా, అంచనాలను మాత్రం అందుకోలేకపోయింది. కాగా, డిజిటల్‌ మాధ్యమంలో మాత్రం విశేషంగా మెప్పిస్తోంది.

ప్రముఖ ఓటీటీ 'ఆహా' వేదికగా ఏప్రిల్‌ 23న ప్రేక్షకుల ముందుకు వచ్చి అందరినీ ఆకట్టుకుంటోందీ సినిమా. విడుదలైన 72 గంటల్లో 100 మిలియన్‌ వ్యూయింగ్‌ మినిట్స్‌ సొంతం చేసుకుందని 'ఆహా' తెలిపింది. ఈ చిత్రానికి కౌశిక్‌ పెగళ్లపాటి దర్శకత్వం వహించాడు. గీతా ఆర్ట్స్‌ 2 పతాకంపై బన్నివాసు నిర్మించారు. జేక్స్‌ బెజోయ్‌ సంగీతం అందించారు. ఓటీటీ కోసం ఈ చిత్రాన్ని రీ ఎడిట్‌ చేసి, నిడివి తగ్గించారు.