యాసిడ్ దాడి బాధితురాలిగా దీపికా పదుకొణె

బాలీవుడ్​ నటి దీపికా పదుకొణె.. యాసిడ్​ దాడి బాధితురాలి పాత్రలో నటిస్తున్న సినిమా 'ఛపాక్'​. మంగళవారం ఈ చిత్ర ట్రైలర్ విడుదలైంది.

యాసిడ్​ దాడికి గురైన ఓ అమ్మాయి జీవిత కథ ఆధారంగా తెరకెక్కుతున్న చిత్రం 'ఛపాక్'​. ప్రముఖ హీరోయిన్ దీపికా పదుకొణె టైటిల్​ రోల్​లో నటిస్తోంది. మంగళవారం ఈ సినిమా ట్రైలర్​ విడుదలైంది. ప్రేక్షకులను ఉద్వేగానికి గురిచేసేలా ఉన్న ఈ ప్రచార చిత్రాన్ని చూస్తే... యాసిడ్ దాడి బాధితురాలి పాత్ర కోసం దీపిక చాలా కష్టపడిందని అర్ధమవుతోంది.

మేఘనా గుల్జార్​ దర్శకత్వం వహించిన ఈ సినిమాను ఫాక్స్ స్టార్​ స్టూడియోస్​ నిర్మిస్తోంది. వచ్చే జనవరి 10న ప్రేక్షకుల ముందుకు రానుంది ఛపాక్.

'రాజీ' చిత్రంతో ప్రేక్షకులను మెప్పించారు మేఘనా. ఈ చిత్రానికి ఆమెకు ఉత్తమ దర్శకురాలిగా ఫిల్మ్​ఫేర్ అవార్డు వచ్చింది. ఫిల్హాల్, జస్ట్ మ్యారిడ్​, తల్వార్ లాంటి సినిమాలను రూపొందించి ఆకట్టుకున్నారు.

ఇదీ చూడండి: యాసిడ్​దాడి బాధితురాలిగా దీపిక:ఛపాక్ తొలిరూపు