'కార్తికేయ' సీక్వెల్​లో ఆ ఇద్దరు ముద్దుగుమ్మలు!

హీరో నిఖిల్​ నటించే 'కార్తికేయ' సీక్వెల్​లో టాలీవుడ్​కు చెందిన ఇద్దరు ముద్దుగుమ్మలు అవకాశం దక్కించుకున్నారట. ప్రస్తుతం ప్రీప్రొడక్షన్ పనుల్లో బిజీగా ఉంది చిత్రబృందం.

టాలీవుడ్​ అభిమానులు మెచ్చిన సస్పెన్స్​ థ్రిల్లర్​ సినిమాల్లో 'కార్తికేయ' ఒకటి. చిన్న చిత్రంగా వచ్చినా, విశేష ఆదరణ దక్కించుకుంది. హీరోగా నటించిన నిఖిల్.. విమర్శకుల మెప్పు పొందాడు. మాతృకను తీసిన దర్శకుడు చందూ మొండేటి.. ఇప్పుడు దీనికి సీక్వెల్ తీసేందుకు సిద్ధమవుతున్నాడు​. ముద్దుగుమ్మలు అనుపమ పరమేశ్వరన్, నభా నటేశ్ ఇందులో హీరోయిన్లుగా ఎంపికయ్యారని సమాచారం.

'కార్తికేయ' తొలి భాగంలో నటించిన కలర్స్​ స్వాతి.. ఇందులోనూ ప్రధాన పాత్ర పోషించనుంది. ఈమెతో పాటే అనుపమ, నభా నటించనున్నారు. అయితే ఈ విషయంపై ఇంకా అధికారిక ప్రకటన రాలేదు. ఈ సినిమాకు టీజీ విశ్వప్రసాద్​ నిర్మాతగా వ్యవహరిస్తున్నారు.

ఇదీ చదవండి: అందరి చేత 'నచ్చావులే' అనిపించుకుంటోన్న శేఖర్ చంద్ర