ప్రముఖ సినీ నేపథ్య గాయకుడు ఎస్పీ బాల సుబ్రహ్మణ్యం త్వరగా కోలుకుని ఆరోగ్యంగా తిరిగి రావాలని సినీప్రముఖులు కోరుకుంటున్నారు. ఇటీవల కరోనా నుంచి కోలుకున్న బాలు ప్రస్తుతం ఊపిరితిత్తుల సంబంధిత సమస్యతో ఇబ్బందిపడుతున్నారని, తాజాగా ఆయన ఆరోగ్యం మరింత క్షీణించిందని గురువారం ఎంజీఎం వైద్యులు వెల్లడించారు. దీంతో ఎస్పీబీ కోలుకోవాలని ప్రతిఒక్కరూ ప్రార్థిస్తూ ట్వీట్లు చేస్తున్నారు. ఈ నేపథ్యంలో సల్మాన్ ట్విట్టర్ వేదికగా బాలు ఆరోగ్యంగా తిరిగి రావాలని ఆకాంక్షించారు.
"బాలసుబ్రహ్మణ్యం సర్‌. త్వరగా మీరు కోలుకోవాలని మనస్ఫూర్తిగా కోరుకుంటున్నా. దేవుడ్ని ప్రార్థిస్తున్నా. నా సినిమాల్లో ఎన్నో పాటలు పాడినందుకు ధన్యవాదాలు. మీ దిల్‌ దివానా హీరో ప్రేమ్‌. లవ్‌ యూ సర్‌."
- సల్మాన్ ఖాన్, బాలీవుడ్ అగ్రకథానాయకుడు