RRR movie review: సినీ ప్రేక్షకలోకంతోపాటు భారతీయ చిత్ర వర్గాలు ఎంతో ఆసక్తిగా ఎదురుచూసిన రోజు రానే వచ్చింది. రామ్‌చరణ్‌, ఎన్టీఆర్‌ కథానాయకులుగా రాజమౌళి తెరకెక్కించిన 'రౌద్రం రణం రుధిరం' శుక్రవారం విడుదలై.. సందడి చేస్తోంది. ఇప్పటికే సినిమా చూసిన కొందరు ప్రముఖులు సోషల్‌ మీడియా వేదికగా తమ అభిప్రాయాల్ని పంచుకోగా మరికొందరు చిత్ర బృందానికి శుభాకాంక్షలు తెలిపారు. ఎవరేమన్నారంటే..
• 'ఆర్ఆర్ఆర్'కు మంచి స్పందన రావటం సంతోషంగా ఉంది. నటులు, సాంకేతిక బృందానికి కంగ్రాట్స్‌. నా కుటుంబంతో కలిసి ఈ చిత్రాన్ని త్వరలోనే చూస్తా. ఈ సినిమా గత రికార్డులను బద్దలుకొట్టాలని ఆశిస్తున్నా. ఆల్‌ ది బెస్ట్‌ 'ఆర్ఆర్ఆర్'. - తెలుగు దేశం పార్టీ జాతీయ ప్రధాన కార్యదర్శి నారా లోకేశ్‌.
• 'ఆర్ఆర్ఆర్' ఓ మాస్టర్ పీస్. - నటుడు వరుణ్తేజ్.
• 'ఆర్ఆర్ఆర్'.. బ్లాక్‌బస్టర్‌. - నటుడు సాయిధరమ్‌ తేజ్.
• మైండ్‌ బ్లోయింగ్‌ చిత్రం 'ఆర్ఆర్ఆర్'. ఎంతో అద్భుతంగా ఉంది. భారతీయ సినిమా గర్వించే దర్శకుడు రాజమౌళికి, రామ్‌చరణ్‌, ఎన్టీఆర్‌లకు శుభాకాంక్షలు. - దర్శకుడు హరీశ్‌ శంకర్‌.