RRR movie: కొత్త సంవత్సరంలోకి అందరూ అడుగుపెట్టేశారు. తెలుగు కొత్త సినిమాల పోస్టర్లు రిలీజ్ చేస్తూ చిత్రబృందాలు బిజీగా ఉన్నాయి. ఇలాంటి సమయంలో సోషల్ మీడియాలో రాత్రి నుంచి ఓ వార్త అందరి దృష్టిని ఆకర్షించింది. అదే 'ఆర్ఆర్ఆర్' సినిమా వాయిదా!
దేశవ్యాప్తంగా ప్రస్తుతం కరోనా కొత్త వేరియెంట్ ఒమిక్రాన్ వ్యాప్తి తీవ్రమవుతున్న దృష్ట్యా.. దిల్లీ తదితర రాష్ట్రాల్లో థియేటర్ల మూసివేస్తుండగా, మహారాష్ట్ర, తమిళనాడు వంటి రాష్ట్రాల్లో 50 శాతం సామర్థ్యంతో సినిమాహాళ్లను నడుపుతున్నారు. రానున్న రోజుల్లో వైరస్ ప్రభావం మరింత జటిలమయ్యే సూచనలు కనిపిస్తున్నాయి. దీంతో ప్రతిష్ఠాత్మక పాన్ ఇండియా 'ఆర్ఆర్ఆర్' వాయిదా వేయాలని చూస్తున్నారట. దీనిపై త్వరలో ప్రకటన కూడా రానుందని అంటున్నారు. ఒకవేళ ఇదే నిజమైతే వేసవిలో ఈ సినిమా థియేటర్లలోకి వచ్చే సూచనలు కనిపిస్తున్నాయి.