నవ్వుకు పర్యాయపదం ఆయన.. ఫేస్‌బుక్‌, వాట్సాప్‌, ఇన్‌స్టాగ్రామ్‌.. వేదిక ఏదైనా ఆయన ప్రస్తావన(ఎమోజీ, మీమ్స్‌) లేకుండా సంభాషణ సాగదేమో. తెలుగు సినిమాలో హాస్యనటుడిగా లెక్కకు మించిన పాత్రలు చేసి పొట్టచెక్కలయ్యేలా నవ్వించారు.. నవ్విస్తూనే ఉన్నారు. ఈ రోజు (ఫిబ్రవరి 1) హాస్యబ్రహ్మ బ్రహ్మానందం పుట్టినరోజు. నేటితో 66వ వసంతంలోకి అడుగుపెడుతున్న ఆయనకు పలువురు సినీ ప్రముఖులు జన్మదిన శుభాకాంక్షలు చెప్పారు.
"మా ప్రియమైన బ్రహ్మానందంగారికి జన్మదిన శుభాకాంక్షలు"
- అల్లుఅర్జున్, కథానాయకుడు
"నవ్వుల రారాజుకు జన్మదిన శుభాకాంక్షలు"
- రామ్‌చరణ్‌, కథానాయకుడు
"సెట్లో నవ్వులూ పూయిస్తూ మమ్మల్ని నవ్వించే బ్రహ్మానందంగారికి జన్మదిన శుభాకాంక్షలు."
- రవితేజ, కథానాయకుడు
"కింగ్‌ ఆఫ్‌ కామెడీ, గాడ్‌ ఆఫ్‌ మీమ్స్‌"-నాగబాబు, నటుడు, నిర్మాత