మెగాహీరో వరుణ్​తేజ్​తో 'ఇస్మార్ట్‌' భామలు?

మెగాహీరో వరుణ్​తేజ్ బాక్సర్​గా కనిపించనున్న సినిమాలో నభా నటేశ్, నిధి అగర్వాల్ హీరోయిన్లుగా నటిస్తున్నారని సమాచారం. వచ్చే నెల నుంచి షూటింగ్ మొదలు కానుంది.

హీరోయిన్లు నిధి అగర్వాల్, నభా నటేశ్..'ఇస్మార్ట్ శంకర్' సినిమాతో ఇస్మార్ట్ పోరీలుగా పేరు తెచ్చుకున్నారు.ఆ చిత్రంలో వీరి నటనకు ప్రేక్షకులు ఫిదా అయ్యారు. మళ్లీ ఇప్పుడు వీరిద్దరూ ఒకే సినిమాలో సందడి చేయబోతున్నారని టాక్. ఓ మెగాహీరో పక్కన అలరించనున్నారట.

కథానాయకుడు వరుణ్​తేజ్.. ప్రస్తుతం బాక్సింగ్​ కథతో తెరకెక్కుతున్న చిత్రంలో నటిస్తున్నాడు. ఇటీవలే లాంఛనంగా ప్రారంభమైంది. వచ్చే నెల నుంచి షూటింగ్ మొదలు కానుంది. ఇందులో కియారానుతొలుత హీరోయిన్​గా తీసుకోవాలనుకున్నారు. ఆమె డేట్స్ కుదరక ఈ ప్రాజెక్టును వదులుకుంది. ఇప్పుడామె స్థానంలో నిధి అగర్వాల్ ఎంపికైందని సమాచారం. ఈ చిత్రంలో మరో పాత్రకు నభా నటేశ్​ పేరును చిత్రబృందం పరిశీలిస్తోంది. ఈ విషయాలన్నింటిపై స్పష్టత రావాల్సి ఉంది.

ఇది చదవండి: బాక్సర్​గా వరుణ్​తేజ్.. మరో ప్రయోగానికి సిద్ధం