భారతీయ సినీ చరిత్రలో తొలి మహిళా సూపర్స్టార్గా కీర్తి గడించింది. తన అద్భుతమైన నటనతో ఎంతో మంది ప్రేక్షకుల హృదయాలను కొల్లగొట్టి.. గతేడాది ఆకస్మికంగా మృతి చెందింది అలనాటి తార శ్రీదేవి.
శ్రీదేవి గుర్తుగా ప్రఖ్యాత మేడమ్ టుస్సాడ్స్ సింగపూర్ మ్యూజియంలో మైనపు విగ్రహాన్ని బుధవారం ఆవిష్కరించనున్నారు. ఈ సందర్భంగా ట్విట్టర్లో ఓ వీడియోను పంచుకున్నారు ఆమె భర్త, నిర్మాత బోనీ కపూర్.
"మా ఆలోచనల్లోనే కాకుండా కోట్లాది మంది అభిమానుల మదిలో శ్రీదేవి స్థానం సంపాదించింది. ఆమె మైనపు విగ్రహం చూసేందుకు ఆత్రుతగా ఎదురుచూస్తున్నాను. #SrideviLivesForever". -ట్విట్టర్లో బోనీ కపూర్
శ్రీదేవి.. తెలుగు, హిందీ, తమిళం, మలయాళంలో నటించి అశేషమైన అభిమానుల్ని సంపాదించుకుంది. చివరగా 'మామ్'లో ప్రధాన పాత్ర పోషించింది. ఆమె మరణించిన అనంతరం ఈ చిత్రానికిగానూ ఉత్తమ నటి అవార్డు ఇచ్చారు.
ఇది చదవండి: శ్రీదేవీ పుట్టినరోజు ప్రత్యేకం: సిరిమల్లె పువ్వా.. చిరకాలం గుర్తుండిపోవా..!