సినిమాలకు ఆస్కార్ అవార్డులు ప్రతిష్టాత్మకమైనవి. మరి టీవీ షోలు, సీరియల్స్ పరిస్థితి ఏంటీ.? అందుకే వాటికీ పురస్కారాలు ఉన్నాయి. అవే 'ఎమ్మీ అవార్డ్స్'. ఈ ఏడాది పురస్కార వేడుకలను నవంబర్ 25న న్యూయర్క్లో నిర్వహించనున్నారు.
'ఎమ్మీ' అవార్డుకు రాధికా ఆప్టే నామినేట్..
ప్రతిష్టాత్మక అంతర్జాతీయ 'ఎమ్మీ' అవార్డులకు ఈ ఏడాది నామినేట్ అయింది బాలీవుడ్ నటి రాధికా ఆప్టే. సోమవారం(నవంబర్ 25న) న్యూయార్క్లో ఈ వేడుక జరగనుంది. ఈ ఏడాది ఈ అవార్డుల కోసం మూడు ప్రాజెక్టులు.. సేక్రెడ్ గేమ్స్, లస్ట్ స్టోరీస్, ద రిమిక్స్ నామినేషన్లలో నిలిచాయి.
'ఎమ్మా' అవార్డుకు రాధికా ఆప్టే నామినేట్..
అంతర్జాతీయంగా ఇచ్చే ఈ అవార్డులకు భారత్ నుంచి సేక్రెడ్ గేమ్స్, లస్ట్ స్టోరీస్, ది రిమిక్స్ నామినేషన్లలో చోటు దక్కించుకున్నాయి. బాలీవుడ్ నటులు సైఫ్ అలీఖాన్, నవాజుద్ధీన సిద్ధిఖీ నటించిన 'సేక్రెడ్ గేమ్స్' సీజన్2 ఉత్తమ చిత్రం కేటగిరిలో నామినేట్ అయింది. లస్ట్ స్టోరీస్లో నటనకు గానూ... బెస్ట్ పెర్ఫార్మెన్స్ విభాగంలో రాధిక నామినేట్ అయింది. తాజాగా నామినేషన్కు సంబంధించిన పతకం, ప్రశంసా పత్రాలను అందుకుందీ అందాల భామ. వాటితో తీసుకున్న ఫొటోలను అభిమానులతో షేర్ చేసుకుంది. 11 కేటగిరీల్లో 21 దేశాలకు చెందిన చిత్రాలు అవార్డుల కోసం పోటీపడుతున్నాయి.
రాధిక... 'ది వెడ్డింగ్ గెస్ట్', 'లిబర్టీ: ఎ కాల్ టు స్పై' లాంటి చిత్రాల్లో నటించి ఇప్పటికే హాలీవుడ్లోనూ తన ప్రస్థానం మొదలుపెట్టేసింది.