మాఫియా కనుసన్నల్లో బాలీవుడ్​: కంగనా రనౌత్

మాఫియా​ వ్యక్తుల చేతల్లో బాలీవుడ్​ ఉందని, వారు చెప్పినట్లే నడుస్తోందని ఆరోపించింది నటి కంగన. ట్విట్టర్​ వేదికగా తన అభిప్రాయాన్ని వెల్లడించింది.

యువ నటుడు సుశాంత్ సింగ్​ ఆత్మహత్యతో బాలీవుడ్​లోని బంధుప్రీతి అంశం చర్చనీయాంశమైంది. ఇప్పుడు మరోసారి ఇదే విషయం గురించి మాట్లాడిన నటి కంగనా రనౌత్.. మాఫియాలో మిగిలిపోయిన కొంతమంది వ్యక్తుల కనుసన్నల్లోనే హిందీ చిత్రసీమ నడుస్తోందని ఆరోపించింది. 'కాఫీ విత్​ కరణ్' లాంటి అసమర్థ షోలతో ఇండస్ట్రీ నిండిపోయిందని తెలిపింది.

విధేయత, విద్యా నేపథ్యం లాంటి నైతిక విలువలు ఉన్న వ్యక్తులు బాలీవుడ్​ నుంచి ఎలిమినేట్​ అవుతారని డా.సుబ్రహ్మణ్య స్వామి ఇటీవలే సంచలన వ్యాఖ్యలు చేశారు. ఈ నేపథ్యంలోనే కంగన స్పందిస్తూ ఈ ట్వీట్​ చేసింది.