మెగా హీరో వైష్ణవ్ తేజ్ రెండో సినిమా అప్డేట్ వచ్చేసింది. ఫస్ట్లుక్, టైటిల్ను శుక్రవారం(ఆగస్టు 20) ఉదయం 10:15 గంటలకు విడుదల చేయనున్నట్లు దర్శకుడు క్రిష్ ట్వీట్ చేశారు. ఇందులో వైష్ణవ్ సరసన రకుల్ ప్రీత్సింగ్ హీరోయిన్గా నటించింది. 'కొండపొలం' నవల ఆధారంగా తీసిన ఈ చిత్రానికి ప్రముఖ సంగీత దర్శకుడు కీరవాణి బాణీలు సమకూర్చారు. నవల టైటిల్నే సినిమాకు పెట్టనున్నారనే వ్యాఖ్యలు వినిపిస్తున్నాయి.
ఇటీవల షూటింగ్లో గాయపడి శస్త్రచికిత్స చేయుంచుకున్న ప్రకాశ్ రాజ్.. మళ్లీ సెట్స్కు వెళ్లేందుకు రెడీ అయిపోయారు. ఈ విషయాన్ని ఆయనే ట్విట్టర్ ద్వారా పంచుకున్నారు. 'పొన్నియన్ సెల్వన్' షూటింగ్ కోసం గ్వాలియర్ చేరుకున్నట్లు పేర్కొన్నారు. మణిరత్నం దర్శకత్వంలో తెరకెక్కుతున్న ఈ చిత్రంలో కార్తి, విక్రమ్, త్రిష, ఐశ్వర్యరాయ్ తదితరులు ప్రధాన పాత్రలు పోషిస్తున్నారు.
హాస్యనటుడు పార్వతీశం హీరోగా నటించిన 'సావిత్రి w/o సత్యమూర్తి' టీజర్ను బుధవారం విడుదల చేశారు. ఇందులో పార్వతీశంకు జోడీగా సీనియర్ నటి శ్రీలక్ష్మి నటించారు. '20 ఏళ్ల కుర్రాడికి 60 ఏళ్ల మహిళ భార్య అయితే ఎలా ఉంటుంది?' అనే కాన్సెప్ట్తో ఈ చిత్రం తీశారు.
సుధీర్బాబు 'శ్రీదేవి సోడా సెంటర్' సినిమా ట్రైలర్ గురువారం ఉదయం 10 గంటలకు విడుదల కానుంది. సూపర్స్టార్ మహేశ్బాబు దీనిని లాంచ్ చేయనున్నారు.