బాలీవుడ్ నటుడు సుశాంత్ ఆత్మహత్య

'ధోనీ' సినిమాతో దేశవ్యాప్తంగా విశేషాదరణ దక్కించుకున్న బాలీవుడ్​ నటుడు సుశాంత్​ సింగ్​ రాజ్​పుత్​ ఆత్మహత్య చేసుకున్నారు. ఆదివారం ముంబయిలోని తన నివాసంలో ఉరివేసుకుని సూసైడ్​ చేసుకున్నట్లు పోలీసులు ధ్రువీకరించారు.

'ధోనీ: ది అన్‌టోల్డ్‌ స్టోరీ' చిత్రంతో దేశవ్యాప్తంగా గుర్తింపు తెచ్చుకున్న నటుడు సుశాంత్‌సింగ్‌ రాజ్‌పుత్‌ ఆత్మహత్య చేసుకున్నారు. ముంబయిలోని తన నివాసంలో ఉరివేసుకున్నట్లు పోలీసులు ధ్రువీకరించారు. ఆయన ఆత్మహత్యకు గల కారణాలు తెలియాల్సి ఉంది.

సుశాంత్​.. మేనేజర్​ దిశా శాలిన్​ ఇటీవలే ఆత్మహత్య చేసుకుంది. ముంబయిలోని తాను నివసిస్తున్న అపార్ట్​మెంట్​ 14వ అంతస్థు నుంచి దూకి ప్రాణాలు కోల్పోయింది. ఆమె మరణించిన కొన్ని రోజుల్లోనే సుశాంత్​ రాజ్​పుత్​ మరణించడం అనుమానాలకు తావిస్తోంది.

ఇదీ చూడండి... స్టార్ హీరో మేనేజర్​ ఆత్మహత్య