బాలీవుడ్ సీనియర్ నటుడు మిథున్ చక్రవర్తి అనారోగ్యం బారిన పడ్డారు. ఉత్తరాఖండ్ ముస్సోరీలో ఓ సినిమా షూటింగ్లో ఉన్న ఆయనకు వాంతులు, విరేచనాలు అయ్యాయి. అక్కడే ఓ హోటల్లో ఉన్న ఆయనను వైద్యులు పరీక్షించారు. మిథున్ ఆరోగ్య పరిస్థితి ప్రస్తుతం నిలకడగానే ఉన్నప్పటికీ.. విశ్రాంతి తీసుకోవాలని సూచించారు.
అనారోగ్యానికి గురైన నటుడు మిథున్ చక్రవర్తి - ఉత్తరాఖండ్ ముస్సోరీ
బాలీవుడ్ దిగ్గజ నటుడు మిథున్ చక్రవర్తి అనారోగ్యానికి గురయ్యారు. 'ది కశ్మీర్ ఫైల్స్' సినిమా చిత్రీకరణలో ఉండగా ఆయనకు వాంతులు, విరేచనాలు అయ్యాయి.
అనారోగ్యానికి గురైన బాలీవుడ్ నటుడు మిథున్ చక్రవర్తి
'ది కశ్మీర్ ఫైల్స్' చిత్రీకరణ కోసం ముస్సోరీకి వెళ్లారు మిథున్. ఆయనతో పాటు అనుపమ్ ఖేర్ వంటి నటులు ఈ షూటింగ్లో పాల్గొంటున్నారు. ప్రస్తుతం మిథున్ అనారోగ్యంగా ఉండడం వల్ల చిత్రీకరణకు హాజరు కాలేకపోతున్నారు. ముస్సోరీలో షెడ్యూల్ పూర్తైన తర్వాత దెహ్రాదూన్, రిషికేశ్కు వెళ్లనుందీ చిత్రబృందం.
ఇదీ చూడండి:''ఆచార్య'లో ఆ సీన్ రీషూట్ చేశాం'