సందీప్ కిషన్ హీరోగా తెరకెక్కుతున్న చిత్రం 'నిను వీడని నీడను నేనే'. హర్రర్, సెంటిమెంట్ ప్రధానాంశాలుగా వస్తోందీ చిత్రం. తెలుగు, త‌మిళ భాష‌ల్లో రూపొందుతోన్న ఈ సినిమాకు కార్తీక్ రాజు ద‌ర్శకుడు. తమన్‌ బాణీలు అందించారు. ఈ చిత్రంతో బాలీవుడ్ నటి అన్య సింగ్ తెలుగు తెరకు పరిచయం అవుతోంది. ఆమె ఫొటోలు నెట్టింట సందడి చేస్తున్నాయి.
యశ్రాజ్ ఫిలింస్ తొలి అవకాశం:
అన్యసింగ్ మొదట బాలీవుడ్లో అరగేట్రం చేసింది. చిత్ర నిర్మాణ సంస్థ యశ్రాజ్ ఫిలింస్ రూపొందించిన... 'ఖైదీ బ్యాండ్' అనే చిత్రంతో వెండితెరకు పరిచయమైంది. ఆ చిత్రం పెద్దగా ఆడకపోయినా అన్యకు మంచి పేరు వచ్చింది. సందీప్కు జోడీగా: డిగ్రీ తర్వాత సినీ రంగంపై దృష్టిపెట్టింది అన్య. ఆ సమయంలో యష్రాజ్ ఫిలింస్ ఇచ్చిన ఆఫర్‌తో బాలీవుడ్‌లోకి అడుగుపెట్టింది. తాజాగా టాలీవుడ్‌లో సందీప్ కిషన్ సరసన అవకాశం దక్కించుకొంది.
వావ్ అనిపించిన ఫస్ట్లుక్:
ఈ సినిమా ఫస్ట్లుక్ విడుదలై ప్రేక్షకులను బాగా ఆకట్టుకుంది. పగిలిన అద్దంపై సందీప్...చుట్టూ రక్తం ఉన్న ఈ పోస్టర్‌ సినిమాపై ఆసక్తిని పెంచింది. ఈ ఫస్ట్లుక్ చాలా బాగుందని సినీ ప్రముఖులు రకుల్‌ప్రీత్‌ సింగ్, తమన్నా, సుధీర్‌బాబు, ప్రియదర్శి, ఫణి కందుకూరి ట్వీట్లు చేశారు.