రాజ్​ తరుణ్​ సరసన 'బిగ్​బాస్' బ్యూటీ

రియాలిటీ షోలో పాల్గొని పాపులర్​ అయిన అరియానా.. రాజ్​ తరుణ్​తో కలిసి పనిచేస్తున్నట్లు వెల్లడించింది. దీని గురించి త్వరలో పూర్తి వివరాలు తెలిసే అవకాశముంది.

'బిగ్‌బాస్‌'తో అందరి దృష్టిని ఆకర్షించిన అరియానా.. రాజ్​ తరుణ్​ సరసన నటించే అవకాశం​ దక్కించుకుంది. ఆ విషయాన్నే చెబుతూ ఇన్​స్టాలో ఫొటోను పోస్ట్ చేసింది.

'అతి త్వరలోనే ఓ ఆసక్తికర విషయం రాబోతుంది. బిగ్‌బాస్‌ తర్వాత నా జీవితంలోని ఓ మంచి రోజు ఇది. ఈ అవకాశం ఇచ్చిన దర్శకుడు గవిరెడ్డి శ్రీనుకు ధన్యవాదాలు. రాజ్‌ తరుణ్‌ నువ్వు అమేజింగ్‌' అని ట్విట్టర్​లో రాసుకొచ్చింది.

అధికారికంగా చెప్పకపోవడం వల్ల అది సినిమా చిత్రీకరణా, మరేదైనా యాడ్​ షూటింగ్​? అనే సందేహం ప్రేక్షకుల్లో నెలకొంది. త్వరలో ఈ విషయమై స్పష్టత రానుంది.