ఆసుపత్రిలో చేరిన అమితాబ్ బచ్చన్

బాలీవుడ్ మెగాస్టార్ అమితాబ్ బచ్చన్ ముంబయిలోని ఆసుపత్రిలో చేరారు. రెగ్యులర్ చెకప్​ కోసమే ఆయన ఆసుపత్రిలో చేరినట్లు సమాచారం.

బాలీవుడ్ దిగ్గజం అమితాబ్ బచ్చన్ ఆసుపత్రిలో చేరారు. ఇటీవలే(అక్టోబరు 11) 77వ పడిలోకి అడుగుపెట్టిన బిగ్​ బీ.. రెగ్యులర్ చెకప్​ కోసం ముంబయిలోని ఓ వైద్యశాలకు వెళ్లారు. ఈ విషయాన్ని ఆసుపత్రి వర్గాలు తెలిపాయి.

కాలేయ సంబంధిత సమస్యతో బాధపడుతున్నందునే ఆయన ఆసుపత్రిలో చేరినట్లు సమాచారం. అయితే ఈ విషయంపై స్పష్టత రావాల్సి ఉంది. ఈ నెల 15న ఆసుపత్రిలో చేరిన ఆయన ఇంకా అక్కడే ఉన్నట్లు తెలుస్తోంది.

కర్వాచౌతా సందర్భంగా గురువారం తన అభిమానులకు శుభాకాంక్షలు తెలిపారు బిగ్​ బీ.

ప్రస్తుతం బిగ్​ బీ అరడజనుకు పైగా చిత్రాల్లో నటిస్తున్నారు. ఇందులో ఝండ్, బ్రహ్మాస్త్ర, గులాబో సితాబో, ఏబీ ఆని సీడీతో పాటు తమిళంలో ఓ చిత్రం, కన్నడంలో ఓ సినిమాలో కనిపించనున్నారు.