'ఆర్ఆర్ఆర్' నుంచి సరికొత్త అప్డేట్ వచ్చేసింది. ఈ ఏడాది అక్టోబరు 13న సినిమా విడుదల చేస్తున్నట్లు చిత్రబృందం తెలిపింది. గుర్రంపై రామ్‌చరణ్‌, బులెట్‌పై ఎన్టీఆర్‌లు దూసుకుపోతున్న పోస్టర్‌ అభిమానులను అలరిస్తోంది. 'అక్టోబరు 13న నీరు-నిప్పు కలిసి వస్తున్నాయి. ఆ శక్తిని ఇంతకు ముందెప్పుడూ మీరు చూసి ఉండరు. భారతీయ సినిమాలో అతి పెద్ద కలయిక అద్భుతమైన అనుభూతిని ఇచ్చేందుకు వస్తోంది' అని ట్వీట్ చేశారు.
'ఆర్ఆర్ఆర్' విడుదల తేదీ ప్రకటన
చరణ్-తారక్ల మల్టీస్టారర్ 'ఆర్ఆర్ఆర్' విడుదలపై స్పష్టత వచ్చింది. ఈ ఏడాది అక్టోబరు 13న సినిమా రిలీజ్ కానుంది.
'ఆర్ఆర్ఆర్' మూవీ
ఈ సినిమాలో చరణ్ అల్లూరి సీతారామరాజుగా, తారక్ కొమరం భీమ్గా నటిస్తున్నారు. ప్రస్తుతం క్లైమాక్స్ షూటింగ్ జరుగుతోంది. అజయ్ దేవ్గణ్, సముద్రఖని, శ్రియ తదితరులు కీలక పాత్రలు పోషిస్తున్నారు. కీరవాణి సంగీతమందిస్తున్నారు. రాజమౌళి దర్శకుడు. డీవీవీ దానయ్య.. దాదాపు రూ.400 కోట్ల బడ్జెట్తో సినిమా నిర్మిస్తున్నారు.
Last Updated : Jan 25, 2021, 2:15 PM IST