Bheemla Nayak Oversees Collections: పవర్స్టార్ పవన్కళ్యాణ్ నటించిన 'భీమ్లానాయక్' శుక్రవారం విడుదలై బాక్సాఫీస్ వద్ద అదరగొడుతోంది. తెలుగు రాష్ట్రాలతో పాటు ఓవర్సీస్లోనూ దూసుకుపోతోంది. తొలిరోజు అదిరిపోయే కలెక్షన్లను అందుకుంది. నైజాంలో 11.81కోట్లు షేర్ వసూలు చేసి ఆల్టైం రికార్డు సృష్టించినట్లు తెలిసింది. అంతకుముందు 'పుష్ప' 11.4కోట్లు, 'సాహో ' 9.41కోట్లు, 'బాహుబలి 2' 8.9కోట్లు, 'వకీల్సాబ్' 8.75కోట్లు, 'సరిలేరు నీకెవ్వరు' 8.67కోట్లు, 'సైరా' 8.10కోట్లు అందుకున్నాయి.
భీమ్లా నాయక్ ఓవర్సీస్లో రూ.8కోట్లు వసూలు చేసిందని సినీ విశ్లేషకుడు తరన్ ఆదర్శ్ ట్వీట్ చేశారు. అమెరికాలో రూ.6.53 కోట్లు, యూకేలో రూ.87.81 లక్షలు, ఐర్లాండ్లో రూ.6.44 లక్షలు వసూలు చేసినట్టు వివరించారు. మొత్తంగా భీమ్లా నాయక్ ఏపీ, తెలంగాణలో తొలిరోజు రూ.26కోట్లకుపైగా షేర్ వసూలు చేసినట్లు తెలుస్తోంది. ఏపీలో టికెట్ రేట్ల సమస్య ఉన్నప్పటికీ ఈ స్థాయిలో వసూలు చేయడం విశేషం.