అద్దెకు సుశాంత్​ ఫ్లాట్​.. ధర ఎంతంటే?

బాలీవుడ్ దివంగత హీరో సుశాంత్ సింగ్ రాజ్​పుత్ ఆత్మహత్య చేసుకున్న బాంద్రా అపార్ట్​మెంట్​ను అద్దెకు ప్రకటించారు ఓనర్స్. బీచ్​ వ్యూతో పాటు అనేక సదుపాయాలు ఉన్న ఈ డుప్లెక్స్ ఫ్లాట్​కు నెలకు రూ. 4 లక్షలు అద్దెగా వెల్లడించారు.

బాలీవుడ్ యువ నటుడు సుశాంత్​ సింగ్ రాజ్​పుత్ ఆత్మహత్య చేసుకుని ఏడాది దాటిపోయింది. ఇప్పటికీ ఆయన జ్ఞాపకాల్లోనే గడుపుతున్నారు అభిమానులు. అదేవిధంగా సుశాంత్ ఉరి వేసుకుని చనిపోయిన బాంద్రా అపార్ట్​మెంట్​ కూడా మూగబోయే ఉంది. ఈ కేసుపై విచారణ ఇంకా కొనసాగుతూనే ఉంది. దీంతో ఇప్పటివరకు ఈ ఫ్లాట్​ ఖాళీగానే ఉంది. తాజాగా ఈ అపార్ట్​మెంట్​ను అద్దెకు ఇచ్చేందుకు సిద్ధమయ్యారు ఓనర్స్. అందుకోసం ప్రకటన కూడా విడుదల చేశారు. బీచ్​ వ్యూ ఉన్న ఈ ఫ్లాట్​ నెలవారి అద్దె రూ.4 లక్షలుగా పేర్కొన్నారు.

జూన్ 14, 2020న బాంద్రా అపార్ట్​మెంట్​లో ఆత్మహత్య చేసుకున్నాడు సుశాంత్. గదిలోని ఫ్యాన్​కు ఉరివేసుకుని తనువు చాలించాడు. 2019 డిసెంబర్​ నుంచి ఈ డుప్లెక్స్​ ఫ్లాట్​లోనే ఉన్నాడు సుశాంత్. ఈ అపార్ట్​మెంట్​ను మూడేళ్లు అద్దెకు తీసుకున్నాడీ హీరో. ఒకవేళ ఈ ఘటన జరగకుంటే 2022 డిసెంబర్ వరకు ఈ ఫ్లాట్​లోనే ఉండేవాడు. ఈ సమయంలో నెలకు రూ 4.5 లక్షలు చెల్లించేవాడు సుశాంత్.