బాలయ్య-బోయపాటి సినిమా టైటిల్ తెలిసేది అప్పుడే!

నందమూరి బాలకృష్ణ హీరోగా బోయపాటి శ్రీను దర్శకత్వంలో ఓ చిత్రం తెరకెక్కుతోంది. ఇటీవలే విడుదలైన ఈ సినిమా టీజర్​ అభిమానుల్లో అంచనాల్ని పెంచేసింది. కానీ టైటిల్​ రివీల్ చేయకపోవడం వల్ల ఫ్యాన్స్ నిరాశకు గురయ్యారు. తాజాగా ఇందుకు సంబంధించిన అప్​డేట్ ఇచ్చేందుకు సిద్ధమైందట చిత్రబృందం.

నందమూరి నటసింహం బాలకృష్ణ హీరోగా మాస్ దర్శకుడు బోయపాటి శ్రీను డైరెక్షన్​లో ఓ చిత్రం తెరకెక్కుతోంది. లాక్​డౌన్ కంటే ముందే సినిమా ఓ షెడ్యూల్ పూర్తి చేసుకుంది. ఇటీవలే విడుదలైన టీజర్​ అభిమానుల్లో అంచానాల్ని పెంచేసింది. కానీ మూవీ టైటిల్​ను మాత్రం ఇప్పటివరకు ప్రకటించలేదు. దీంతో నిరాశకు గురైన ఫ్యాన్స్​కు సర్​ప్రైజ్ ఇచ్చేందుకు సిద్ధమైందట చిత్రబృందం.

ఈ సినిమా టైటిల్​ను దసరా పండగ పురస్కరించుకుని ప్రకటించనున్నారట. మరి ఇది ఎంతవరకు నిజమన్నది తెలియాలంటే మరికొద్ది రోజులు ఆగాల్సిందే.

ఈ నెలలోనే షూటింగ్ తిరిగి ప్రారంభించుకోబోతున్న ఈ చిత్రానికి తమన్ సంగీతం అందిస్తున్నాడు. ఇందులో బాలయ్య రెండు విభిన్న పాత్రలు పోషించబోతున్నారంటూ వార్తలు వస్తున్నాయి. ఓ పాత్రలో అఘోరాగా కనిపించనున్నారట.