నందమూరి నటసింహం బాలకృష్ణ కొత్త అప్డేట్తో దసరా పండుగకు వచ్చేస్తున్నాడు. ప్రస్తుతం ఈ స్టార్ హీరో కేఎస్ రవికుమార్ దర్శకత్వంలో 105వ సినిమా చేస్తున్నాడు. ఈ రోజు సాయంత్రం 3గంటల 55 నిముషాలకు సినిమాకు సంబంధించిన స్పెషల్ అప్డేట్ ఇవ్వనుంది చిత్రబృందం.
నేడు అభిమానులకు బాలకృష్ణ దసరా బోనస్ - బాలకృష్ణ 105
టాలీవుడ్ అగ్ర కథానాయకుడు బాలకృష్ణ 105వ సినిమా నుంచి నేడు కొత్త అప్డేట్ రానుంది. ఇప్పటికే విడుదలైన ఫస్ట్లుక్లో హ్యాండ్సమ్గా కనిపించిన బాలయ్య.... దసరా కానుకగా మరో స్పెషల్ ట్రీట్ ఇచ్చేందుకు సిద్ధమయ్యాడు.
నేడు బాలకృష్ణ '105' నుంచి దసరా బోనస్
ఈ పండుగ సందర్భంగా టైటిల్ ప్రకటించే అవకాశం ఉన్నట్లు తెలుస్తోంది. ఇప్పటకే 'రూలర్', 'క్రాంతి' అనే పేర్లు పరిశీలనలో ఉన్నట్లు సమాచారం. ఈ చిత్రానికి కేఎస్ రవికుమార్ దర్శకుడు. ఇందులో సోనాల్‌ చౌహాన్‌, వేదిక కథానాయికలు. ప్రకాశ్‌రాజ్‌, భూమిక, జయసుధ కీలక పాత్రల్లో నటిస్తున్నారు. చిరంతన్‌ భట్‌ సంగీతం అందిస్తున్నాడు. 'జైసింహా' తర్వాత బాలకృష్ణ, నిర్మాత సీ.కల్యాణ్, కె.ఎస్. రవికుమార్ కాంబినేషన్‌లో రూపొందుతోన్న చిత్రమిది.
ఈ సినిమాలో బాలయ్య డాన్‌ పాత్రలో కనిపించనున్నాడట. ఓ పోలీస్ ఆఫీసర్ ఎలా గ్యాంగ్స్టర్గా మారాడనేది కథాంశం. ఇటీవల బ్యాంకాక్‌లో సినిమా తొలి షెడ్యూల్‌ పూర్తయింది. ఈ సినిమా కోసం భారీగానే బరువు తగ్గాడు బాలకృష్ణ.