'ఆర్ఆర్ఆర్' చిత్రాన్ని జులై 30నవిడుదల చేయనున్నట్లు దర్శకుడు రాజమౌళి ఇప్పటికే ప్రకటించాడు. తాజాగా ఆ చిత్ర విడుదల తేదీ వాయిదా పడుతున్నట్లు బలమైన సంకేతాలు అందుతున్నాయి. ఈ క్రమంలో బోయపాటి-బాలయ్య కలయికలో వచ్చే కొత్త సినిమాను ఆరోజున ప్రేక్షకుల ముందుకు తీసుకురావడానికి సిద్ధమవుతున్నారట.
'ఆర్ఆర్ఆర్' విడుదల తేదీపై బాలకృష్ణ కన్ను..!
రాజమౌళి ప్రతిష్ఠాత్మక చిత్రం 'ఆర్ఆర్ఆర్' విడుదల తేదినే నందమూరి బాలకృష్ణ తన కొత్త సినిమాను విడుదల చేయనున్నాడట. జక్కన్న తన చిత్రాన్ని ఏ రోజైతే విడుదల చేయనున్నట్లు ప్రకటించాడో.. అదే రోజున బాలయ్య కొత్త సినిమాను ప్రేక్షకుల ముందుకు తీసుకురాబోతున్నట్లు ప్రచారం జరుగుతోంది.
'ఆర్ఆర్ఆర్' చిత్ర విడుదల తేదీపై బోయపాటి కన్ను
ఇప్పటికే ఈ చిత్రం పూజా కార్యక్రమాలతో లాంఛనంగా మొదలైనా .. వచ్చే నెల నుంచి రెగ్యులర్‌ షూటింగ్ జరుపుకోనుంది. ఈ సినిమాను వేసవి కల్లా పూర్తి చేసి జులై నెలలో విడుదల చేయాలని భావిస్తోందట చిత్రబృందం. ఈ వార్తల్లో నిజం తెలియాలంటే అధికార ప్రకటన వచ్చే వరకు ఎదురుచూడాల్సిందే. 'ఆర్ఆర్ఆర్' ప్రకటించిన విడుదల తేదీపై ప్రేక్షకుల్లో ఉత్కంఠ నెలకొన్న నేపథ్యంలో ఈ తేదీని తమ సినిమా విడుదలకు వాడుకుంటే కలిసొస్తుందని బోయపాటి ఆలోచన. ఒకవేళ ఇదే నిజమైతే.. జులై 30న యంగ్‌టైగర్‌ను తెరపై చూడలేకపోయినా.. నందమూరి నట సింహాన్ని తెరపై చూసుకునే భాగ్యం సినీప్రియులకు కలుగుతుంది. 'సింహా', 'లెజెండ్‌' హిట్‌ చిత్రాల తర్వాత బోయపాటి - బాలకృష్ణల కలయికలో వస్తోన్న హ్యాట్రిక్‌ చిత్రం కావడం వల్ల దీనిపై ప్రేక్షకుల్లో భారీ అంచనాలు నెలకొన్నాయి.
ఇదీ చూడండి:- 'ఈ సినిమా ఒక్కొక్కరికి ఒక్కోలా అర్థమవుతుంది'
Last Updated : Feb 17, 2020, 6:04 PM IST