టాలీవుడ్లో భారీ అంచనాలతో తెరకెక్కుతోన్న పవర్‌ఫుల్‌ యాక్షన్‌ చిత్రం 'అఖండ'. బాలకృష్ణ కథానాయకుడిగా బోయపాటి శ్రీను దర్శకత్వంలో రూపొందుతోంది. ప్రగ్యా జైస్వాల్‌ నాయిక. లాక్‌డౌన్‌ కారణంగా వాయిదా పడిన ఈ సినిమా చిత్రీకరణ జులై నుంచి పునః ప్రారంభం కానుంది. ఆంధ్రప్రదేశ్లోని గండికోట, కడప, చిత్తూరులోని చారిత్రక నేపథ్యం ఉన్న ప్రాంతాల్లో షూటింగ్ జరగనుంది. బాలకృష్ణతోపాటు ఇతర ప్రధాన తారాగణం ఈ షెడ్యూల్‌లో పాల్గొనే అవకాశాలున్నాయి.
Akhanda Movie: చారిత్రక ప్రదేశాల్లో షూటింగ్! - గండికోటలో అఖండ
కరోనా రెండో దశ తగ్గుముఖం పడటం వల్ల తెలుగు చిత్రపరిశ్రమలో వరుసగా చిత్రీకరణలు పునఃప్రారంభమవుతున్నాయి. ఇందులో భాగంగా హీరో బాలకృష్ణ(Balakrishna Akhanda) నటిస్తున్న 'అఖండ' చిత్రానికి సంబంధించిన మిగిలిన షూటింగ్ జులై తొలి వారం నుంచి షురూ కానుందని తెలుస్తోంది. ఆంధ్రప్రదేశ్లోని చారిత్రక నేపథ్యం ఉన్న ప్రదేశాల్లో చిత్రీకరించేందుకు చిత్రబృందం సన్నాహాలు చేస్తోంది.
Akhanda Movie: చరిత్రాత్మక ప్రదేశాల్లో షూటింగ్!
ప్రస్తుతం చిత్ర బృందం లొకేషన్లను పరిశీలిస్తోంది. ద్వారక క్రియేషన్స్‌ పతాకంపై మిర్యాల రవీందర్‌ రెడ్డి నిర్మిస్తోన్న ఈ చిత్రంలో బాలయ్య ద్విపాత్రాభినయం చేస్తున్నారు. జగపతిబాబు, శ్రీకాంత్‌, పూర్ణ తదితరులు కీలక పాత్రలు పోషిస్తున్నారు. తమన్‌ సంగీతం అందిస్తున్నారు. 'సింహా', 'లెజెండ్‌' వంటి సూపర్‌ హిట్‌ చిత్రాల తర్వాత బాలకృష్ణ-బోయపాటి కాంబినేషన్‌లో వస్తుండటం వల్ల 'అఖండ'పై అంచనాలు ఆకాశన్నంటుతున్నాయి.
ఇదీ చూడండి..Balakrishna: 'అఖండ'.. జులై నుంచి హైదరాబాద్లో!