ఒకప్పుడు రీమేక్లతో విజయాలు అందుకున్న హీరోల్లో బాలకృష్ణ ఒకరు. మంగమ్మగారి మనవడు, ముద్దుల మావయ్య, లక్ష్మీ నరసింహా వంటి రీమేక్స్లో నటించి మంచి హిట్లు అందుకున్నారు. చాలా ఏళ్లుగా రీమేక్ లపైపు చూడని నందమూరి నటసింహం బాలీవుడ్ పింక్ చిత్రాన్ని తీయబోతున్నట్లు చిత్రవర్గాల సమాచారం.
లీగల్ థ్రిల్లర్గా 2016 లో విడుదలైన పింక్ చిత్రం ఘనవిజయం సాధించింది. ఇందులో అమితాబ్ బచ్చన్ ప్రధాన పాత్ర పోషించగా అనిరుధ్ రాయ్ దర్శకత్వం వహించాడు. బిగ్ బీ పాత్రలో బాలయ్య నటించనున్నట్టు తెలుస్తోంది. ఈ వార్తల్లో నిజమెంత అనే విషయం పూర్తిగా తెలియనప్పటికీ దిల్ రాజు - బాలకృష్ణ కాంబినేషన్లో చిత్రం రావటం ఖాయమని సమాచారం. ఈ సినిమాలో నటించే నటీనటులు, సాంకేతిక నిపుణులు ఎవరనే అంశంపై స్పష్టత రావాల్సి ఉంది.