Akhanda Movie Celebrations : ఆటంబాంబ్ లాంటి బాలకృష్ణ.. ఊరమాస్ డైరెక్టర్ బోయపాటి.. అదరగొట్టే బ్యాక్గ్రౌండ్ మ్యూజిక్ ఇచ్చే థమన్.. ముగ్గురు కలిస్తే ఇక థియేటర్లు బద్ధలే. ప్రేక్షకులకు పండగే. అందుకే అఖండ సినిమాకు ప్రపంచ వ్యాప్తంగా ఉన్న బాలయ్య అభిమానులు నీరాజనం పడుతున్నారు. థియేటర్లన్నీ అభిమానుల సందడితో దద్దరిల్లుతున్నాయి. అఖండ సినిమా వీక్షిస్తున్నంత సేపు ఒక్క ప్రేక్షకుడు కూడా సీట్లో కూర్చోలేదు. అంతగా ఈ సినిమా వీక్షకులను అలరించింది. ఈలలు, గోలలతో థియేటర్లన్ని కోలాహలంగా మారాయి.
BalaKrishna Fans celebrations : బెన్ఫిట్ షో, ప్రీమియర్ షో, మార్నింగ్ షోలలో అఖండ సినిమాకు వస్తోన్న రివ్యూలు చూస్తే బాలయ్య-బోయపాటి హ్యాట్రిక్ కొట్టినట్లే కనిపిస్తోంది. మరోవైపు థియేటర్లలో అభిమానుల కోలాహలం అంతా ఇంతా కాదు. అఖండ సినిమా హవా.. బాలయ్య బాబు క్రేజ్.. కేవలం తెలుగు రాష్ట్రాల్లోనే కాదు.. అమెరికా, లండన్ వంటి విదేశాల్లోనూ ఉంది. అక్కడి బాలకృష్ణ అభిమానులు నినాదాలతో థియేటర్లను హోరెత్తిస్తున్నారు.
BalaKrishna fans in US : జై బాలయ్య.. జైజై బాలయ్య, కోకోకోలా పెప్సీ.. బాలయ్యబాబు సెక్సీ, అడుగడుగో బాలయ్య.. ఇడిగిడుగో బాలయ్య, ఆహా బాలయ్య.. ఓహో బాలయ్య అంటూ నినాదాలతో లెజెండ్ అభిమానులు థియేటర్లను దద్దరిల్లిస్తున్నారు. తెలుగు రాష్ట్రాల్లో టపాసులు పేలుస్తూ అఖండ విజయాన్ని ఆకాశన్నంటేలా సంబురాలు చేసుకుంటున్నారు. వీరి సందడి చూసిన వాళ్లంతా.. వీలైనంత త్వరగా సినిమా చూసేయాలని థియేటర్లకు పరుగులు తీస్తున్నారు. అఖండ రివ్యూలు, రేటింగ్లు చూసి చాలా మంది టికెట్లు బుక్ చేసుకుంటున్నారు. ఇదంతా చూస్తుంటే.. చాలా రోజుల తర్వాత బాలకృష్ణ ఖాతాలో ఓ సూపర్ డూపర్ హిట్ పడినట్లే కనిపిస్తోంది.