అగ్ర కథానాయకుడు బాలకృష్ణతో సినిమాలు చేయడం కోసం యువ దర్శకులు పోటీపడుతున్నారు. ఇప్పటికే గోపీచంద్‌ మలినేని దర్శకత్వంలో బాలయ్య సినిమాకు పచ్చజెండా ఊపారు. త్వరలోనే పట్టాలెక్కనున్న ఆ చిత్రం కోసం నిజ జీవిత సంఘటనలతో ఓ స్క్రిప్టు సిద్ధమవుతోంది. మరోవైపు యువ దర్శకుడు అనిల్‌ రావిపూడి కూడా బాలయ్య కోసం కథ సిద్ధం చేశారు.
ఇప్పుడా ఆ వరుసలో మరో యువ దర్శకుడు చేరినట్టు తెలిసింది. వరుసగా ప్రేమకథల్ని తెరకెక్కించిన దర్శకుడు వెంకీ అట్లూరి బాలకృష్ణ కోసం కథ సిద్ధం చేసినట్టు సమాచారం.