బ్యాడ్మింటన్ తార గుత్తా జ్వాల-తమిళ నటుడు విష్ణు విశాల్ పెళ్లి తేదీ ఖరారైంది. ఈ నెల 22న వీరిద్దరు పెళ్లి పీటలెక్కనున్నారు. ఈ విషయాన్ని విష్ణు ఇన్స్టా ద్వారా తెలిపారు. తమ పెళ్లిపత్రికను పోస్ట్ చేసి.. కుటుంబం సమక్షంలో తమ వివాహం జరగబోతున్నట్లు వెల్లడించారు.
కొన్నేళ్లుగా సహజీవనం చేస్తున్న ఈ జోడీ, గతేడాది సెప్టెంబర్లో నిశ్చితార్థం చేసుకున్నామని ప్రకటించి అందరినీ ఆశ్చర్యపరిచారు. విష్ణు గతంలో రజనీ నటరాజన్ను వివాహం చేసుకోగా.. వారికి ఆర్యన్ అనే అబ్బాయి పుట్టాడు. 2018లో ఆ జంట విడాకులు తీసుకుంది. కాగా గుత్తా జ్వాల.. చేతన్ ఆనంద్ను వివాహమాడగా.. 2011లో ఇరువురి మనసులు కలవక విడిపోయారు.