'సీత' సినిమా కోసం 'బాహుబలి' రచయిత

ప్రముఖ కథా రచయిత కేవీ విజయేంద్రప్రసాద్.. బహుబాషా చిత్రం 'సీత'కు తన సహకారం అందించనున్నారు. దర్శకుడు అలౌకిక్​తో కలిసి కథ, స్క్రీన్​ప్లే రాయనున్నారు.

'బాహుబలి', 'ఆర్ఆర్ఆర్' కథల సృష్టికర్త, దర్శకుడు ఎస్.ఎస్.రాజమౌళి తండ్రి కేవీ విజయేంద్రప్రసాద్.. మరో పౌరాణిక చిత్రం కోసం పనిచేయనున్నారు. 'సీత: ద ఇన్​కార్నేషన్' టైటిల్​తో తెరకెక్కుతున్న సినిమాకు కథ, స్క్రీన్​ప్లే రాయనున్నారు. గురువారం ఈ విషయమై ప్రకటన చేసిన డైరెక్టర్ అలౌకిక్ దేశాయ్.. పోస్టర్​ను ట్వీట్ చేశారు.

ఏ హ్యుమన్ బీయింగ్​ స్టూడియో ప్రొడక్షన్ నిర్మిస్తున్న ఈ సినిమాను తెలుగు, తమిళ, హిందీ, మలయాళ, కన్నడ భాషల్లో తీయనున్నారు. పూర్తిస్థాయి వీఎఫ్​ఎక్స్ సాంకేతికతో చిత్రాన్ని రూపొందించనున్నారు. పూర్తి వివరాలు త్వరలో వెల్లడించే అవకాశముంది.