సినిమాల్లోకి రాకముందే, బాలీవుడ్ స్టార్ ఆమిర్ ఖాన్ నుంచి తాను స్ఫూర్తి పొందినట్లు చెప్పాడు విలక్షణ నటుడు ఆయుష్మాన్ ఖురానా. ఆయన నుంచి ఎన్నో విషయాలు నేర్చుకున్నట్లు తెలిపాడు. అందులోని ఓ విషయం తనను స్టార్ను చేసిందని చెప్పుకొచ్చాడు.
"తమిళ సినిమా 'కల్యాణా సమాయల్ సాధమ్' హిందీ రీమేక్ 'శుభ్ మంగళ్ జ్యాదా సావధాన్'. మాతృక చూడకుండానే ఇందులో నటించాను. ఒకవేళ అలా చూస్తే నా నటనపై దాని ప్రభావం పడుతుంది. దీంతో ఫలితం సరిగ్గా రాకపోవచ్చు. అందుకే కేవలం కథ విని నా స్టైల్లో నటించి ఆయా పాత్రలను పండిస్తాను. ఈ విషయాన్ని అమిర్ఖాన్ దగ్గర నుంచే నేర్చుకున్నాను. గతంలో ఓ ప్రముఖ ఛానెల్లో పనిచేస్తున్నప్పుడు 'గజిని' ప్రచారంలో భాగంగా ఆయన్ను ఇంటర్వ్యూ చేశాను. ఈ చిత్రం ఇంత బాగా రావడానికి కారణమేంటని అడిగాను. మాతృక చూడకుండా నటించడమే నటిస్తానని ఆమిర్ చెప్పారు. దీంతో నేను అదే పద్ధతి ఫాలో అయ్యా"