విభిన్న చిత్రాల్లో నటిస్తూ తనకంటూ ప్రత్యేక గుర్తింపు తెచ్చుకున్నాడు ఆయుష్మాన్ ఖురానా. ఈ స్టార్ నుంచి సినిమా వస్తుందంటే ఏదో ప్రత్యేకత ఉంటుందనేది అభిమానుల నమ్మకం. ప్రస్తుతం ఈ హీరో 'చండీగఢ్ కరే ఆషికీ' అనే చిత్రంలో నటిస్తున్నాడు. ఈ సినిమా షూటింగ్ తన స్వరాష్ట్రమైన చండీగఢ్లో జరుగుతోంది. దీనిపై స్పందించిన ఆయుష్మాన్ తన ఆనందాన్ని వ్యక్తం చేశాడు. ఆ ప్రాంతం తనకు చాలా ప్రత్యేకమని తెలిపాడు.
'అక్కడ షూటింగ్ నాకు చాలా స్పెషల్' - చండీగఢ్లో షూటింగ్
తను ప్రస్తుతం నటిస్తోన్న 'చండీగఢ్ కరే ఆషికీ' సినిమా షూటింగ్ చండీగఢ్లో జరగడం ఆనందంగా ఉందని అంటున్నాడు నటుడు ఆయుష్మాన్ ఖురానా. ఆ ప్రాంత ప్రజలతో తనకు ప్రత్యేక అనుబంధం ఉందని పేర్కొన్నాడు.
'చండీగఢ్లో షూటింగ్ ఆ హీరోకి చాలా స్పెషల్'
" చండీగఢ్లో షూటింగ్ చేయడం ఇదే మొదటిసారి. ఇది నాకు చాలా ప్రత్యేకం. నేను యాక్టర్ అయ్యేలా ప్రేరేపించి, నాకు మనోధైర్యాన్ని ఇచ్చిన ప్రాంతం ఇది. ఈ ప్రాంతం వాళ్లు నాకు చిన్నప్పటి నుంచే అపారమైన ప్రేమను, ధైర్యాన్ని ఇచ్చారు" అని వెల్లడించాడు.
ఇదీ చదవండి:'బాబుని ఎత్తుకోగానే చిరు గుర్తొచ్చాడు'