'అవెంజర్స్​' గుర్తుగా తారల చేతి ముద్రలు

ప్రపంచవ్యాప్తంగా అభిమానులు ఎదురుచూస్తోన్న 'అవెంజర్స్‌: ఎండ్‌గేమ్‌' ఈనెల 26న విడుదల కానుంది. ఈ సందర్భంగా చిత్ర బృందం లాస్‌ ఏంజెలిస్​లో ప్రీమియర్‌ షో ఏర్పాటు చేసింది.

అమెరికాలోని లాస్​ ఏంజెలిస్​లో మంగళవారం 'అవెంజర్స్‌: ఎండ్‌గేమ్‌' ప్రీమియర్​ షో జరిగింది. కార్యక్రమంలో రాబర్ట్‌ డౌనీ జూనియర్‌(ఐరన్‌మ్యాన్‌), క్రిస్‌ హ్యామ్‌వర్త్‌(థోర్‌), స్కార్లెట్‌ జాన్సన్‌(బ్లాక్‌ విడో), క్రిస్‌ ఇవాన్స్‌(కెప్టెన్‌ అమెరికా), బ్రియా లార్సన్‌(కెప్టెన్‌ మార్వెల్‌) విన్‌ డీజిల్‌ కనువిందు చేశారు.

టీసీఎల్​ చైనీస్​ థియేటర్ ఇందుకు​ వేదికైంది. అవెంజర్స్​ గుర్తుగా అక్కడ ఏర్పాటు చేసిన ప్రత్యేక మట్టి అచ్చుల్లో చేతి ముద్రలను వేశారు చిత్ర నటీనటులు. అనంతరం అభిమానులతో కలిసి సెల్ఫీలు దిగారు. 'ద ఇన్ఫినిటీ సాగా'గా మార్వెల్ స్టూడియోస్ రూపొందించిన ఈ సినిమాలో... బలమైన థానోస్‌ను అవెంజర్స్ ఎలా ఓడిస్తారనేది చూపించనున్నారు.