బాక్సాఫీస్ వార్​: అవతార్ రికార్డుకు 'ఎండ్​'గేమ్​

హాలీవుడ్ చిత్రం 'అవతార్' పేరిట ఉన్న అత్యధిక వసూళ్ల రికార్డును 'అవెంజర్స్ ఎండ్​గేమ్' చెరిపేసింది. ప్రపంచవ్యాప్తంగా ఇప్పటికే 2.79 బిలియన్ డాలర్లు కొళ్లగొట్టింది ఎండ్​గేమ్​ చిత్రం.

ప్రపంచ సినీ చరిత్రలో అత్యధిక వసూళ్లు సాధించిన చిత్రంగా అవతార్ రికార్డు సృష్టించింది. అయితే ఈ రికార్డును తిరగరాసింది 'అవెంజర్స్ ఎండ్​గేమ్' సినిమా. మొదటిసారి విడుదలతో కలెక్షన్లు భారీగానే వచ్చినా అవతార్ వసూళ్లను మాత్రం దాటలేకపోయింది. ఇటీవలే కొన్ని సీన్లు కలిపి రెండోసారి ప్రేక్షకుల ముందుకు వచ్చింది ఎండ్​గేమ్. ఈసారి వసూళ్లు బాగానే వచ్చాయి.

ప్రస్తుతానికి 'అవెంజర్స్ ఎండ్​గేమ్' చిత్రం 2.79 బిలియన్ డాలర్ల మార్కుకు చేరుకుంది. అవతార్ వసూళ్లు 2.7897 బిలియన్ డాలర్లను దాటిపోయింది. అవ‌తార్‌ను అవెంజర్స్ అధిగమించినట్టు మార్వెల్ సంస్థ ప్రెసిడెంట్ కెవిన్ ప్రకటించారు. 2021 డిసెంబర్ 17న విడుదలకానున్న 'అవతార్ 2' చిత్రం 'అవెంజర్స్: ఎండ్ గేమ్' వసూళ్లను అధిగమిస్తుందో లేదో చూడాలి.

ఇవీ చూడండి.. హాలీవుడ్​ అద్భుత పాత్రలన్నీ ఒకేచోట కలిస్తే..!