ప్రపంచ సినీఅభిమానులు ఆసక్తిగా ఎదురుచూస్తున్న ప్రాజెక్టుల్లో 'అవతార్' సిరీస్‌ ఒకటి. ఇందులో 'అవతార్-2' చిత్ర షూటింగ్ ఇటీవలే ప్రారంభమైంది. జేమ్స్ కామెరూన్ దర్శకత్వంలో తెరకెక్కిన 'అవతార్' పండారా గ్రహం నేపథ్యంలో సాగితే.. 'అవతార్-2' సముద్ర అంతర్భాగం నేపథ్యంగా తెరకెక్కుతోంది. సముద్ర జలాల్లో యాక్షన్‌ సీక్వెన్స్‌ చిత్రీకరణకు సంబంధించిన ఫొటోలను.. ఇటీవల ఆ చిత్ర బృందం అభిమానులతో పంచుకుంది.
సముద్రం అడుగున 'అవతార్ 2' షూటింగ్
ప్రఖ్యాత హాలీవుడ్ దర్శకుడు జేమ్స్ కామెరూన్ దర్శకత్వంలో 'అవతార్ 2' శరవేగంగా తెరకెక్కుతోంది. సముద్ర అంతర్భాగం నేపథ్యంలో ఈ చిత్రం రూపొందిస్తున్నారు. చిత్రీకరణకు సంబంధించిన ఫొటోలను సామాజిక మాధ్యమాల్లో పంచుకుంది చిత్రబృందం.
సముద్ర అంతర్భాగం నేపథ్యంలో 'అవతార్ 2'
ఇందులో కీలకపాత్ర పోషిస్తున్న సిగోర్ని వీవర్‌ వెట్‌సూట్‌లో ఉండగా.. మోషన్‌ క్యాప్చర్‌ విధానంలో షూటింగ్ చేస్తున్న దృశ్యాలను విడుదల చేశారు. చిత్రీకరణ శరవేగంగా జరుగుతోందని పేర్కొన్నారు. 2021 డిసెంబరులో విడుదల కావాల్సిన ఈ చిత్రం కరోనా మహమ్మారి దెబ్బకు 2022కు వాయిదా పడింది.