'సార్పట్ట' సినిమాతో ప్రేక్షకుల్ని అలరిస్తున్న హీరో ఆర్య తండ్రయ్యాడు. అతడి భార్య, హీరోయిన్ సాయేషా సైగల్కు శుక్రవారం పండంటి ఆడబిడ్డ జన్మించింది. ఈ విషయాన్ని హీరో విశాల్ ట్విట్టర్ వేదికగా వెల్లడించాడు.
"ఈ వార్తను బ్రేక్ చేస్తున్నందుకు చాలా ఆనందంగా ఉంది. అంకుల్ అయినందుకు సంతోషంగా అనిపిస్తోంది. మై బ్రో జమ్మీ- సాయేషా దంపతులకు ఆడబిడ్డ పుట్టింది." అని విశాల్ ట్వీట్ చేశాడు.
ఓ సినిమా షూటింగ్లో కలుసుకున్న ఆర్య- సాయేషా ప్రేమించుకొని, 2019 మార్చి 10న పెళ్లి చేసుకున్నారు. వివాహం అనంతరం ఆమె భర్తతో కలిసి టెడ్డీ సినిమా, కన్నడలో 'యువరత్న' చిత్రం చేసింది. అయితే సాయేషా గర్భం దాల్చిన విషయాన్ని ఇప్పటివరకు బయటపెట్టలేదు. ఆమె ప్రసవించిన తర్వాత, అది హీరో విశాల్ చెబితేనే అందరికీ తెలిసింది.
ఆర్య హీరోగా, బాక్సింగ్ కథతో తీసిన 'సార్పట్ట'.. ఇటీవల ఓటీటీలో విడుదలైంది. మరోవైపు విశాల్తో కలిసి ఆర్య, 'ఎనిమీ' సినిమా చేస్తున్నారు.
ఇవీ చదవండి:
