బాలీవుడ్ హీరో సుశాంత్ సింగ్ రాజ్పుత్ మృతి కేసులో నటి రియా చక్రవర్తి అరెస్టుపై ఆమె తరఫు న్యాయవాది సతీశ్ మాన్షిండే స్పందించారు. రియా అరెస్టు ఘటనలో న్యాయం అపహాస్యం పాలైందని వ్యాఖ్యానించారు. సుశాంత్ మాదకద్రవ్యాలకు బానిస అని పేర్కొన్నారు. అలాంటి వ్యక్తిని ప్రేమించిన ఒక మహిళను మూడు కేంద్ర దర్యాప్తు బృందాలు వేటాడుతున్నాయని ఆరోపించారు. సుశాంత్ యాంగ్జైటీకి సంబంధించి తప్పుడు మందులు సూచించిన అతడి సోదరి ప్రియాంక, వైద్యుడిని ఎందుకు దర్యాప్తు చేయరని ప్రశ్నించారు. వాళ్లు సూచించిన తప్పుడు మందులు సుశాంత్‌ను ఆత్మహత్య చేసుకునేలా ప్రేరేపించి ఉండొచ్చు కదా అని అభిప్రాయపడ్డారు.
దేవుడు మా వైపే ఉన్నాడు