'వాటికి మనమే ఆధారం.. వదిలేస్తే ఎలా!'

పెంపుడు జంతువుల ద్వారా కరోనా వైరస్​ సంక్రమిస్తోందన్న ప్రచారాన్ని ఖండించింది బాలీవుడ్​ నటి అనుష్క శర్మ. వాటి వల్ల ఎలాంటి వైరస్​లు వ్యాప్తి చెందవని వెల్లడించింది. పెంపుడు జంతువులను బయట వదిలేయకుండా కాపాడుకోవాలని ప్రజలకు ఆమె సూచించింది.

కరోనా​ ప్రపంచమంతా వ్యాపిస్తున్న క్రమంలో కుక్కల ద్వారా వైరస్​ సంక్రమిస్తుందన్న ప్రచారం సామాజిక మాధ్యమాల్లో జరుగుతోంది. దీంతో చాలా మంది వారి పెంపుడు జంతువులను బయట వదిలేస్తున్నారు. ఈ చర్యలపై స్పందించింది బాలీవుడ్​ నటి అనుష్కశర్మ. పెంపుడు జంతువులను వదిలి వేయవద్దని ఇన్​స్టాగ్రామ్​ ద్వారా ఆమె కోరింది.

"ఈ సమయంలో తమ పెంపుడు జంతువులను విడిచి పెట్టవద్దని ప్రతి ఒక్కరిని అభ్యర్థిస్తున్నా. దయచేసి వాటిని జాగ్రత్తగా చూసుకోండి. వాటిని మీతో భద్రంగా ఉంచండి. బయట వదిలివేయడమనేది అమానవీయమైన చర్య".

- అనుష్కశర్మ, బాలీవుడ్​ కథానాయిక

అనుష్క శర్మ ఇన్​స్టాగ్రామ్​ స్టోరీ

కరోనా నియంత్రణకు ప్రతి ఒక్కరు స్వీయనిర్బంధం పాటించాలని ఇటీవలే ఇన్​స్టాగ్రామ్​లో అనుష్క, కోహ్లీ కలిసి ఓ వీడియోను పోస్ట్​ చేశారు. ప్రజలలో అవగాహన కల్పించేందుకు 'సేఫ్​ హ్యాండ్స్​' సవాలులోనూ పాల్గొందీ నటి.

అనుష్క శర్మ కంటే ముందుగా.. రచయిత, నటి ట్వింకిల్ ఖన్నా పెంపుడు జంతువులను వదిలిపెట్టవద్దని అభిమానులకు విజ్ఞప్తి చేసింది. సామాజిక మాధ్యమాల్లో ప్రచారమయ్యే వాటిని నమ్మవద్దని తెలిపింది.

ఇదీ చూడండి.. సచిన్ ఐదు రికార్డులను కోహ్లీ ఛేదించగలడా?