Jhulan goswami biopic: బాలీవుడ్ స్టార్ హీరోయిన్ అనుష్క శర్మ మూడేళ్ల తర్వాత సినిమాల్లో రీఎంట్రీ ఇచ్చింది. తన కొత్త సినిమా అప్డేట్ను గురువారం వెల్లడించింది. భారత మహిళా ప్రముఖ క్రికెటర్ జులన్ గోస్వామి బయోపిక్లో నటిస్తున్నట్లు తెలిపింది. ఈ సినిమాకు 'చక్ద ఎక్స్ప్రెస్' అనే టైటిల్ నిర్ణయించారు. ఇందుకు సంబంధించిన ఓ వీడియోను అనుష్క, ట్విట్టర్లో పోస్ట్ చేసింది. అనుష్క భర్త కోహ్లీ.. టీమ్ఇండియా కెప్టెన్, స్టార్ క్రికెటర్ కావడం విశేషం.
ఈ సినిమాకు అభిషేక్ బెనర్జీ.. కథ, స్క్రీన్ప్లే అందించగా, ప్రోసిత్ రాయ్ దర్శకత్వం వహించనున్నారు. త్వరలో షూటింగ్ ప్రారంభం కానుందని చిత్రబృందం వెల్లడించింది. ఈ చిత్రాన్ని నేరుగా నెట్ఫ్లిక్స్లో రిలీజ్ చేయనున్నారు.